«Այս պահին ձնամաքրման աշխատանքներ են կատարվում Վերին Լարսի անցակետում»,- «Ռադիոլուր»-ի հետ զրույցում ասել է Տրանսպորտի, կապի ու ՏՏ նախարարի առաջին տեղակալ Արթուր Առաքելյանը:
Նրա տեղեկացմամբ, գիշերը աշխատանքներ չեն կատարվել ուժեղ քամու և բքի պատճառով: Փոխնախարարի փոխանցմամբ, առավոտվանից աշխատանքները վերսկսել են:
«Տրանսպորտի, կապի ու ՏՏ նախարարը կապի է մեջ է իր գործընկերոջ հետ: Խոստացել են, որ ժամը երեքին հնարավոր է ճանապարհը բացվի թեթև մարդատար մեքենաների համար, իսկ բեռնատարների համար լրացուցիչ կտեղեկացնենք»,- նշել է Տրանսպորտի, կապի ու ՏՏ նախարարի առաջին տեղակալ Արթուր Առաքելյանը: