Արմավիրի Մանուշակ մանկապարտեզը մի քանի օր փակ կլինի, կբացվի միայն իրավապահ մարմինների աշխատանքների ավարտից հետո: Նրանք հարցաքննում են մանկապարտեզի աշխատակիցներին և ականատեսներին:
Փոքրիկ Համայակը Արմավիրի ավագանու որոշմամբ կտեղափոխվի այլ մանկապարտեզ՝ անվճար:
Այսօր փոքրիկին քաղցրավենիքներ ու նվերներ են տարել ոստիկանության Արմավիրի մարզային վարչության պետն ու Արմավիրի քաղաքապետարանւի աշխատակիցները:
Փոքրիկ Համայակը երեկվա իրադարձություններից հետո հորն ասել է, որ էլ մանկապարտեզ չի գնա: Նրա առողջական վիճակը լավ է: Արմավիր քաղաքի 108 թաղամասում փոքրիկին հանդիպեցինք տան բակում խաղալիս: Ժպտում էր, սակայն ոչինչ չէր խոսում, իսկ ավելի ուշ շարունակ արտաբերում էր՝ պապա արի:
Երախայի հայրը՝ Վահան Համազասպյանն ասաց, որ երեխան աշխույժ է, բայց քչախոս: Երեկ ժամը 16-40-ի սահմաններում նա գնացել էր մանկապարտեզ՝ երեխային վերցնելու և տեսել, որ որդին խմբասենյակներից մեկում պատանդառուի մոտ է:
Նա ամբողջ ընթացքում ոչինչ չի հաղորդեն ընտանիքի անդամներին, հարազատներից մեկը գնացել է իրենց տուն և ասել, որ երեխայի հետ հյուընկալվել են հարազատի տուն՝ մատաղ ուտելու: 108 թաղամասը, որտեղ ապրում է Վահանի ընտանիքը կտրված է Արմավիր քաղաքից: Այստեղ հիմնականում նորակառույց տներ, որոնց մեծ մասը դատարկ է: Իսկ դեպքի մասին իմացել են ավելի ուշ հեռուսատեսային լուրերի ժամանակ, երբ երեխան Վահանի մոտ էր, հիվանդանոցում: Դիպվածով երեխայի մոր և պատանդառուի նախկին կնոջ անունը Լիլիթ Հովհաննիսյան է:
Երեխան գիշերը ուշ է քնել, բայց հանգիստ է եղել, հաց չի կերել: Մայրն ասաց, որ մանկապարտեզ չի ուզում գնալ: Փոքրիկը դեռ կմնա տանը: Այսօր նրան էին այցելել ոստիկանության Արմավիրի մարզային վարչմության պետ, ոստիկանության գնդապետ Արսեն Այվազյանն ու Արմավիրի քաղաքապետարանի աշխատողներ՝ քաղաքապետ Ռուբեն Խլղաթյանի հետ միասին: Դեպքի վերաբերյալ նախաքննության գաղտնիությունից ելնելով Արսեն Այվազյանը չցանկացավ մանրամասներ հաղորդել, բայց նշեց, որ 3,5 ժամյա գործողությունների ողջ ընթացքում երեխան գտնվել է պատանդառուի գրկում:
Մանուշակ մանկապարտեզն այսօր փակ է, փակ կլինի ևս ի քանի օր, մինչև ավարտվեն աշխատակիցների հետ իրավապահ մարմինների քննությունները: Արմավիրի քաղաքապետ Ռուբեն Խլղաթյանը տեղեկացրեց, որ երեխան կտեղափոխվի Արմավիր քաղաքի թիվ 4 մանկապարտեզ, իսկ ավագանու առաջիկա նիստի որոշմամբ նրա հաճախումների դիմաց մինչև մանկապարտեզի ավարտը, 6 տարեկան դառնալ գումա չի գանձվի:
Տեղեկացնեմ, որ երեկվա իրադարձությունները ծավալվել են զուտ անձնական խնդիրների պատճառով: Պատանդառու Արգամ Հովիկյանը ավելի քան մեկ տարի բաժանված է եղել կնոջից՝ Լիլիթ Հովհաննիսյանից և նա ուղիներ է փնտրել կնոջ հետ միանալու համար: Մոտ կանգնած աղբյուըրներից տեղեկացա, որ այդ միությանը դեմ է եղել Լիլիթի տատը՝ Մանուշակ մանկապարտեզի տնօրեն Ռոզա Վարդանյանը:
Պատանդառուն հիմա Արմավիրի հիվանդանոցի վերակենդնացման բաժնում է, 2 վիրահատություն է կատարվել՝ կրծքավանդակի և որովայնի հատվածում: Վիճակը ծանր կայուն է: