Այսօր՝ օգոստոսի 15-ին, ժամը 17.33-ին ՌԴ ԱԻՆ հրդեհաշիջման «ԻԼ-76» ռուսական ինքնաթիռը 5-րդ անգամ է ուղևորվել հրդեհի վայր՝ Խոսրովի անտառ՝ օդային հրդեհաշիջում իրականացնելու՝ «Ռադիոլուր»-ին տեղեկացրել է ԱԻՆ փրկարար ծառայության պետի տեղակալ Վրեժ Գաբրիելյանը:
Մինչ այդ, ժամը 14.30-ի սահմաններում նույն ինքնաթիռը Երևանի «Էրեբունի» օդանավակայանում ջրատարների օգնությամբ լիցքավորվելուց հետո իրականացրել էր 4-րդ թռիչքը դեպի Խոսրովի անտառ:
Ըստ թռիչքների նախնական արդյունքների ամփոփման՝ երկնքից հրդեհաշիջում կազմակերպելու շնորհիվ հնարավոր է եղել զգալի չափով կանխել կրակի տարածումը:
Օդանավից իրականացվում է ջրի թիրախային բացթողում՝ կրակի տարածման ճակատների ուղղությամբ:
Ելնելով Խոսրովի արգելոցում իրավիճակի զարգացումից՝ հնարավոր է «ԻԼ-76» ինքնաթիռն էլի հրդեհաշիջող թռիչքներ իրականացնի: