տեղադրված 12.33
լրացված 15.36
ՀՀ անկախության 25 ամյակին նվիրված միջոցառումների շարքում այսօր տեղի ունեցավ ամենասպասվածը, ինչը Հանրապետության Հրապարակում հավաքել էր հոծ բազմության: Հայաստանի տարբեր վայրերից քաղաքացիները եկել էին գլխավոր հրապարակ՝ ռազմական շքերթին ականատես լինելու համար: Հպարտանալուց, փառավորվելուց եւ տոնական օր ստեղծելուց բացի զորահանդեսի նպատակներից մեկն էլ, թերեւս, ապացույցներն էին՝ աշխարհին եւ հարեւաններին ցուցադրելու ռազմական այն ներուժը, որին տիրապետում է անկախ Հայաստանը: Զորահանդեսին տրիբունայից հետեւել են Հանրապետության նախագահ, Զինված ուժերի գյխավոր գերագույն հրամանատար Սերժ Սարգսյանը, Ամենայն Հայոց Կաթողիկոսը, Մեծի տանն Կիլիկիո Կաթողիկոսը, Արցախի հոգեւոր վառաջնորդը, ԼՂՀ նախագահ Բակո Սահակյանը, Արցաի պաշտոնաթող նախագահ Արկադի Ղուկասյանը, ՀՀ Աժ-ի նախագահը, վարչապետը, ՍԴ նախագահը, Անվտանգության խորհրդի անդամները, պատգամավորներ, կառավարության անդամներ, բարձրաստիճան զինվորականներ եւ մեր երկրում հավատարմագրված դիվանագետներ:
